لاہور:پاکستان قومی ٹیم کا سابقہ سپر سٹار بلے باز اور ویکٹ کیپر کامران اکمل کئی میچوں میں پاکستان کی نمائندگی کر چکے ہیں ،لیکن آج کل قومی ٹیم سے باہر ہے ،موصوف نے قومی ٹی ٹونٹی ٹورنامنٹ میں لاہور وائٹس کے وکٹ کیپر بلے باز کامران اکمل نے ڈومیسٹک ٹی ٹونٹی میں لاہور کی کسی بھی ٹیم کی جانب سے تیز ترین نصف سنچری سکور کرنے کا کارنامہ سر انجا م دے ڈالا ہے ۔35سالہ کامران اکمل نے نیشنل ٹی ٹونٹی میں لاہور وائٹس کی جانب سے فاٹا کی ٹیم کے خلاف محض20گیندوں پر اپنے کیریئر کی 29ویں نصف سنچری مکمل کی جو لاہور کی کسی بھی ٹیم کی جانب سے نیشنل ٹی ٹونٹی میں بنائی گئی تیز ترین ففٹی ہے ، کامران اکمل کی یہ نصف سنچری پاکستان میں کھیلے جانے والے ڈومیسٹک ٹی ٹونٹی ٹورنامنٹ میں کسی بھی کھلاڑی کی جانب سے تیسر ی تیز ترین نصف سنچری ہے ۔ملکی ڈومیسٹک ٹورنامنٹ میں پہلی 2تیز ترین نصف سنچریاں سکور کرنے کا ریکارڈجارح مزاج اوپننگ بلے باز عمران نذیر کے پاس ہے جنہوں نے اپریل 2005ءمیں سیالکوٹ سٹالینز کی جانب سے لاہور بلیوز کیخلاف 14اور مئی 2009ءمیں سیالکوٹ سٹالینز ہی کی جانب سے لاہور وائٹس کیخلاف 17گیندوں پر نصف سنچریاں سکور کررکھی ہیں ۔