والد نے میچ سے قبل فون کرکے اپنے بیٹے عثمان شینواری کو کیا ہدایات دی تھی ،تہلکہ خیز انکشافات
لاہور (مانیٹرنگ ڈیسک ) سری لنکا ٹیم پر قیامت ڈھانے والے باؤلر اور قومی ٹیم کے کھلاڑی عثمان شنواری کے والد عصمت اللہ شنواری نے کہاہے کہ اللہ تعالیٰ نے عثمان کو اس کی محنت کا صلہ دیاہے ،ون ٹیم میں سلیکشن ہوئی تو میں نے بیٹے سے فون پر بات کی اور کہا کہ سامنے کوئی بھی بلے باز ہو گھبرانا نہیں ہے ۔ تفصیلات کے مطابق عثمان شنواری کے والد عصمت اللہ شنواری نے پوری قومی ٹیم کیلئے پیغام جاری کرتے ہوئے کہا کہ کھلاڑی گراونڈ میں روز جائیں اور سخت محنت کریں ،سرفراز کی قیادت میں ٹیم کی کارکردگی بہتر ہوئی ہے ،پاکستانی کھلاڑی محنت کریں اور فٹنس کا خیال رکھیں ۔ان کا کہناتھا کہ عثمان شنواری کی اچھی پرفارمنس پر محلے والے
اور تمام افراد خوش ہیں ،اہل علاقہ مبارک باد بھی دینے آ رہے ہیں ۔ان کا کہناتھا کہ عثمان ٹیم میں سلیکٹ ہوا تو اس سے فون پر بات ہوئی ،میں نے اس سے کہا کہ سامنے کوئی بھی بلے باز ہو ڈرنا نہیں ہے ۔ واضح رہے کہ عثمان شنواری نے سری لنکا کے خلاف آخری ون ڈے میچ میں انتہائی شاندار باولنگ کا مظاہرہ کرتے ہوئے مخالف ٹیم کے پانچ کھلاڑیوں کو پولین پہنچایا اور انہیں 103تک ہی محدود کرنے میں قابل تعریف کارکردگی کا مظاہرہ کیا ۔ یاد رہے کہ عثمان شینواری نے رمیز راجہ سے بات چیت کرتے ہوئے انکشاف کیا کہ ان کے والد نے انہیں کرکٹ کھلینے کے لیے امادہ کیا اور ان کے والد نے انہیں کرکٹ کھیلنے کا مشورہ دیا تھا انہیں اس بات پر قائل کیا تھا کہ وہ ضرور کرکٹ کھیلیں ۔