دورا ن قید کینیڈین شہری جوڑے کے ہاں تین بچوں کی پیدائش ۔
اسلام آباد( آن لائن) پاک فوج کے آپریشن کے دوران طالبان کے چنگل سے بازیاب کرائے گئے غیر ملکی جوڑے کے ہاں دوران قید3بچوں کی پیدائش ہوئی تھی ۔تفصیلات کے مطابق کینیڈین شہری جوشوابوئل اور ان کی امریکی بیوی کیٹلن کولمین کو طالبان نے 2012ءمیں افغانستان سے اغواءکیا تھا اور ان کی رہائی کے بدلے امریکہ سے اپنے 3ساتھیوں کی رہائی کا مطالبہ کیا، جب اغوا کا یہ واقعہ پیش آیا تو کیٹلن کولمین حاملہ تھیں اور قید میں اس بچے کے علاوہ دو دیگر بچے بھی پیدا ہوئے ۔ کینیڈین شہری کو پاک فوج نے طالبان کی قید سے بازیاب کرا یا ۔آئی ایس پی آر کے مطابق 11 نومبر کو قیدی پاکستان منتقل کر دیا گیا تھا جس پر انٹیلی جنس اداروں اور پاک فوج نے برق رفتاری کے ساتھ کام کرکے ان کو رہا کردیا گیا ۔